Kako da zavolite jutarnje trčanje

Piše: Ljilja Lukić

Nema ništa loše ni u jednom ni u drugom, nije nikakav problem da spremate polumaraton/maraton trenirajući samo naveče, ali ako želite da promijenite ovu rutinu, evo nekih savjeta:

Planirajte da trčite sa “jutarnjim trkačem”

Dogovorite se sa nekim ko redovno trči ujutru i biće vam bezveze da ga ispalite. Ovo je najefektivniji način da se natjerate na jutarnji trening.

Ostavite opremu za trčanje pored kreveta

Ima čak i onih koji su probali da spavaju u opremi za trčanje, i da ujutru doslovno istrče iz kreveta. U svakom slučaju, mnogo je lakše ako vam je sva oprema ujutru na dohvat ruke, brže ćete izaći iz kuće.

Pripremite kafu

Ponekad vam je potreban i dodatan podstrek za razbuđivanje. Ako je to kofein, pripremite sve veče prije, i počnite jutro kafom.

Idite ranije na spavanje

Ako vam je potrebno osam sati sna, lezite ranije da biste ujutru mogli da ustanete. Možda će vam biti problem da zaspite ranije ako vam to inače nije navika, ali vremenom će biti sve lakše.

Podesite neku motivacionu “trkačku” pjesmu na alarm

Svako ima neku pjesmu koja ga pokreće kada trči. Čim je čujete, ubrzavate, pa je za očekivati i da se lakše probudite uz baš tu pjesmu. U svakom slučaju, nije toliko bitno koja je pjesma, koliko da telefon ostavite dalje od kreveta, pa ćete morati da ustanete da ga isključite. To će već biti dovoljan signal tijelu da je budno i spremno. Još ako uspijete da raspremite i krevet, od spavanja definitivno više neće biti ništa.

Objavite na društvenim mrežama

Objavite na društvenim mrežama da ujutru idete da trčite. Obećanje je obećanje, tako da kada ustanete, nema izvlačenja. Dobra stvar kod trkača koji su aktivni na društvenim mrežama je, da gdje god da se nalaze, podrška ne izostaje.

Vaši komentari